октомври 1, 2022

Украина да не ги крши правата на руските затвореници, повика ХРВ

Хјуман рајтс воч ја повика Украина да ги почитува правата на руските затвореници според Женевската конвенција и да ја прекине практиката на изложување на тие луѓе во јавноста.

„Украинските власти мора да престанат да објавуваат пораки и видеа од заробените руски војници на социјалните мрежи, особено оние кои биле понижувани или загрозени“, се вели во соопштението.

„Ваквиот третман на затворениците ја нарушува заштитата предвидена со Женевските конвенции“ за меѓународното право, според ХРВ.

Украина објави видео снимки од руски затвореници и ги изложи на новинарите пред кои беа принудени да изразат жалење, а ваквото инструментализирање беше осудено од Меѓународниот комитет на Црвениот крст, кој порача дека непријателската војска треба да се третира „достоинствено“.

Многу такви полоши видеа се појавија и се ширеа по медиумите и социјалните мрежи а кои не беа објавени од официјалните власти на Украина или од војската. Едно од последните видеа беше како ранет Русин во болница во Украина се тераше од докторите да вика Слава на Украина за да го лечат.