УДАР на Мексиканскиот претседател. Мексиканските пратеници ги отфрлија уставните реформи за електрична енергија среде дипломатската криза со САД

По маратонската седница во Долниот дом на Конгресот во неделата на Велигден, партијата Морена на Лопез Обрадор не успеа да обезбеди двотретинско мнозинство потребно за измена на уставот. Нацрт-законот имаше 275 гласа „за“ и 223 „против“, без воздржани, објави претседателот на Долниот дом, Серхио Гутиерез. Лопез Обрадор ги промовираше промените за зајакнување на државното снабдување со електрична енергија и за отфрлање на ефектите од либерализацијата во претходните влади кои, според него, ги фаворизираа приватните компании. Но, неговите планови ги вознемирија Соединетите Држави и Канада, предизвикувајќи предупредувања дека Мексико е во опасност да ги прекрши своите трговски обврски со фаворизирање на државните субјекти кои силно зависат од фосилни горива

Промените би гарантирале дека државната Федерална комисија за електрична енергија има најмалку 54 отсто од пазарот на електрична енергија – потег за кој владата вели дека е потребен за да се спречи зголемените цени на електричната енергија. Претходно за време на дебатата, приврзаниците на Лопез Обрадор одржаа митинг пред Домот на пратеници барајќи да се усвојат реформите, а еден носеше знак на кој пишува „Не ја распродавајте нацијата“. Гласањето беше едно од ретките законодавни неуспеси што ги претрпе Лопез Обрадор откако ја презеде функцијата кон крајот на 2018 година. Но, тој вети дека одделно ќе поднесе предлог-закон со кој ќе се национализира ископувањето на литиум.