октомври 1, 2022

Три пати повеќе млади се иселиле од државата последниве неколку години, вели Мицковски

Според вропската статистика ЕВРОСТАТ три пати повеќе млади луѓе се иселени од Македонија последниве неколку години додека е оваа влада предводена од СДСМ, рече претседателот на ВМРО – ДПМНЕ, Христијан Мицковски на настан во Велес.

– За разлика од оваа влада која оставаше празни чевли пред зградата на Илинденска и броеше, така од ракав колку си заминале од земјава, и после кога ги зграбија фотелјите се заборавија, ќе споделам еден податок кој е официјален и го објавува еврропската статистика ЕВРОСТАТ-ако во 2012 та година биле издадени 9 317 работни дозволи од земјите на ЕУ за македонски државјани, во 2019 та година бројот на издадени дозволи е 26 653 дозволи или три пати повеќе луѓе отишле да работат во странство затоа што со СДСМ, со Зоран Заев и администраторот Ковачевски тие буквално не гледаат никаква иднина во Македонија, истакна Мицкоски.

Тој посочи дека наша задача е да ги вратиме овие луѓе и да им кажеме дека ќе се бориме за сите луѓе подеднакво затоа што Македонија е за сите луѓе и затоа што оваа држава мора да има иднина, бидејќи како стојат сега работите со оваа власт народот се сели заради тоа што се живее лошо и животот станува се поскап.