Можни состави за фудбалска историја на Македонија

Елиф Елмас ќе биде во нападот иако нема да биде најистурен, а најблиску до противничкиот голман ќе биде Алекс Трајковски. Во средината одиме со четворица играчи, од кои Стефан Ашковски ќе „оперира“ по десната страна, каде што ќе му помага на Стефан Ристовски, додека од спротива Бобан Николов ќе му дава поддршка на Алиоски во одбрана на нападите на брзите португалски крила.

Одбраната по одличната претстава во Палермо, очекувано, нема да биде подлежна на никакви промени.

Кај Португалците, пак, на голот се враќа Руи Патрисио, кој ќе биде на местото на Диого Кошта, кој бранеше на средбата проитв Турција.

Во одбраната доаѓа искусниот Пепе, којшто можеби заедно со неговиот дефанзивен колега, Жозе Фонте, се нашата најголема надеж за опасни контра напади.

Премиерлигашката средина од Бруно Фернандеш (Манчестер јунајтед), Жоао Мутињо (Вулверхемптон) и Бернардо Силва (Манчестер сити) изгледа моќно, а ништо послаб не е ниту нападот предводен од Кристијано Роналдо, кој е поддржан од опасните Диого Жота и Отавио.