септември 26, 2022

ЕУ бара Гугл да ги избрише руските државни медиуми за да не може да се пребаруваат

ЕУ бара од Гугл да ги тргне резултатите од руските државни медиуми за пребарувањата во земјите во ЕУ. Гугл го доставил писмото од ЕУ во базата на податоци за владини барања, пишува Вашингтон Пост. Во писмото се вели дека пребарувачите играат главна улога во ширењето на содржината и дека јавноста лесно има пристап до содржината на тие медиуми.
Европската Комисија ја забрани работата на државните руски медиуми неколку дена по почетокот на руската инвазија на Украина за да „ не можат да ги шират своите лаги за да ја оправдаат војната на Путин“.
Тогаш Фејсбук, Твитер и ТикТок го ограничија пристапот до РТ и Спутник низ Европа. Своите ограничувања ги објави и Гугл, но само за Јутјуб каналите.