октомври 1, 2022

Австрија се откажа од задолжителната вакцинација

Австрија се откажа од законот за задолжителна вакцинација. Контроверзниот закон стапи на сила пред еден месец.
„Го суспендираме текстот на законот кој не е пропорционален на опасноста на омикрон варијантата на коронавирусот“, рече министерката Каролине Едштадлер на прес-конференција во Виена.

Австрија е една од ретките земји кои воведоа задолжителна вакцинација.

„Владата пак ќе ја анализира својата политика на вакцинација по три месеци и флексибилно ќе реагира на развојот на настаните“, изјави Јохан Раух, министер за здравство.